{
  "value": "ထါနီၣ်ဂံၢ်သၢဒီးလွံၢ်အခီပညီမ့ၢ်၀ဲ=ၦၤကညီသးၦၢ်တဖၣ်ဘၣ်ယိၣ်သးအုး၀ဲလၢအဖိိလံၤလၢခံတစိၤဖးက့ၤကွဲးက့ၤအလံာ်တသ့လၢၤဘၣ်န့ၣ်လီၤႉ\nလၢတၢ်န့ၣ်အဃိကူၣ်ထီၣ်၀ဲႇမၢအဖိအမါတဖၣ်ထါန့ၢ်အဆ့ပျိၢ်ႇလၢဆ့ပျိၢ်အခီၣ်ထံးတခီမၢအတၢ်အူန့ၢ်အီၤဒီးကညီလံာ်မဲာ်ဖျၢၣ်ဒီးနဲနွံဆိန့ၣ်လီၤႉ\nလၢကျဲဒ်အံၤနႇၣ်အ၀ဲသ့ၣ်မၤလိခူသူၣ်န့ၢ်က့ၤအဖိအလံၤအလံာ်ကညီလၢဆ့ပျိၢ်အလိၤဖဲပယီၤတထံၣ်သ့ၣ်ညါ၀ဲဘၣ်အခါန့ၣ်လီၤႉ\nလၢတၢ်န့ၣ်အဃိပကြၢးစံးဘျုးက့ၤပဖံဖးဒိၣ်လၢပျၢၤတဖၣ်\nမ့ၢ်လၢအ၀ဲသ့ၣ်အတၢ်စုသ့ခီၣ်ဘၣ်လီၤဆီလၢ“တၢ်ထါထၣ်”အဃိပ၀ဲဖိလံၤလၢမုၢ်မဆါတနံၤအံၤ\nပထံၣ်ဘၣ်ဒံးပလံာ်မဲာ်ဖျၢၣ်အက့ၢ်အဂီၤတနီၤန့ၣ်လီၤႉ ကညီတၢ်ကူတၢ်ကၤအက့ၢ်အဂီၤဒီးအကံၣ်အဒဲးတဖၣ်အိၣ်ဖျါလီၤဆီန့ၢ်ကလုာ်ဂၤအတၢ်ကူတၢ်ကၤလီၤႉ\nနကူထီၣ်ကၤထီၣ်ဘၣ်အီၤညီဒီးအိၣ်ဖျါဆဲးဆဲးလၤလၤလၢတၢ်လီၢ်ကိးပူၤဒဲးန့ၣ်လီၤႉ\nကညီဖိအတၢ်သံကျံဒီးတၢ်သံကျံပီးလီတဖၣ်ႇကညီဖိအတၢ်စဲၤတၢ်ဒွဲဒီးထူရူၢ်လုၢ်လၢ်တဖၣ်\nအိၣ်တ့ၢ်ပာ်လံယၤဖှိၣ်နံၣ်လၢအကယၤသ့ၣ်တဖၣ်လံဘၣ်ဆၣ်သီသံၣ်ဘှဲဒံးဒၣ်တၢ်ႇထုးန့ၢ်ဒံးၦၤအသးဒၣ်တၢ်ႇကဲဘျုးကဲဖှိၣ်ဒံးဒၣ်တၢ်လၢဟီၣ်ခိၣ်တဘ့ၣ်အံၤအပူၤတုၤမုၢ်မဆါတနံၤအံၤန့ၣ်လီၤႉ\nလၢတၢ်န့ၣ်အဃိ“ပဖံဖုဖးဒိၣ်လၢပျၢၤအတၢ်ဟ့ၣ်သါ”တဖၣ်အံၤကဲထီၣ်က့ၤတၢ်လၤတၢ်ကပီၤလၢပၦၤကညီဖိတကလုာ်အံၤအဂီၢ်ဒီး\nပပာ်ကဖၢလၢပသးသ့လၢကလုာ်ဂၤမဲာ်ညါလၢတၢ်ဂ့ၢ်တဖၣ်အံၤအဃိလီၤႉ"
}